Vil bara láta ykkur vita að ég hef fært mig á nýjar slóðir.

http://kiddijoi.blog.is  

Takk fyrir

Kiddi Jói

Vika liðin af sumarfríinu mínu og ætla ég að njóta þess í hástert að vera í síðasta langa fríinu mínu áður en ég fer í Kennó. Ég er farinn að hlakka til þessa, að fara og læra. Það eru 9 ár síðan ég var síðast í skóla. En hvað um það.. 

Það eru allir hér á heimilinu í startholum fyrir flutning af Hvanneyri. Pabbi, sem er að fara í nám til Óðinsvé í Danmörku flýgur til Danaveldis n.k. miðvikudagsmorgun ásamt mömmu og Óla Magga en þau ætla bara að dvelja þar í 10 daga svo koma þau heim og mamma dvelur hér á landi í aðeins 5 daga og svo er hún farin til Svíþjóðar ásamt Rönku, Sigrúnu og Dössa og krökkunum, Kristjönu og Rakel Ýr til Gyðu Margrétar sem býr í Luleá. Hún eignaðist stúlku þann 22 júlí sl. Til Hamingju með dótturina. 

Þannig að það verður ágætis hvíld þangað til ég byrja í Kennó.  

Aftur á móti hefur þessi helgi sem er að líða verið hevý góð og á ég www.youtube.comað þakka þar sem ég hef verið í hálfgerðri nostalgíu hvað varðar gamalt myndefni og toppurinn var TRANSFORMERS teiknimyndaþættirnir sem voru sýndir á Stöð 2 fyrir um tuttugu árum. Þeir voru sýndir strax á eftir “Með afa” á laugardagsmorgnum. Og það var áður en Stöð 2 eyðilagði barnadagskrá sína með ruslþáttum og leiðindarmyndum.Fyrir ykkur sem ekki vitið hvað Transformers er, þá eru þetta vélmenni sem komu frá plánetu þar sem vélmenni réðu ríkjum. Eins og alltaf er þetta barátta á milli góðs og ills.Autobots eru góðu gæjarnir en Decepticons eru vondu. Ég skora á Stöð 2 að endursýna þessa gömlu þætti. Barnadagskráin í dag, bæði hjá Rúv og Stöð 2 er hryllileg. Flest af þessum þáttum koma fram við krakka eins og þeir eru hálfvitar. Ég vaknaði oft með litlu systkinum mínum þegar barnaefnið byrjaði og horfði á “Með afa” þegar hann var einn og hálfur tími að lengd. Þættir eins og Tao Tao, Dipódóarnir og Glóarnir og svo auðvitað Transformer, þetta voru sko þættir sem maður ólst upp við. 

Hver man svo ekki eftir Transformers köllunum sem var það vinsælasta sem maður átti og ég man að ég, Konni og Ingó frændi áttum helling af svoleiðis og lékum okkur alltaf með Transformers.  Those were the good old days. 

Ég skora á RÚV að hefja sýningar á þætti sem heitir ,,Mock the Week”. Þetta er eins konar “Þetta helst” eins og Hildur Helga stjórnaði í den. En það sem er skemmtilegast við þessa þætti að þar er gert gersamlegt stólpagrín að fréttum vikunnar. 6 stand up grínistar koma saman í hverri viku og gera grín að fréttum.  Fyndnir, fyndnir, fyndnir. 

Ég þakka YouTube fyrir að vera til.

Það er komin ný skoðanakönnun   Loksins  

Endilega takið þátt   

Feitilíus kveður

Jæja jæja þá er minnzz loksins kominn í sumarfrí til 15 ágúst og ekki seinna vænna að fara og hvíla sig fyrir átökin í haust og vetur og næstu árin.

Það hefur svo sem ekkert mikið gengið á í sumar nema hvað ég var að vinna á Smíðavöllunum hjá ÍTK, það var mjög gaman, frábært veður og ekki einn einasti rigningardagur. 10000 sinnum betra sumar en það sem var í fyrra.

 Nú fer maður og slakar á og hjálpar mömmu að pakka niður. Ef við fáum íbúð í Borgarnesi þá tökum við hana. Aftur á móti er ég farinn að leita mér að íbúð í Kópavogi.

 Kiddi

Ég komst inn í KENNÓ!!!

kv. Kiddi

hellú

eins og sest tha er ég ad skrifa á útlenskt lyklabord.

Eins og er thá er ég búinn ad vera í Barcelona sidan á fostudaginn sídasta í alveg hreint manndrápslegu vedri. Allir dagar hafa verid heitir. Yfir 30 stiga hiti og heidskírt alla daga.

Kem heim adfararnott laugardags.

Hitti Woody Allen án gríns, sumir nádu mynd af honum. Je minn, hann labbar eins og níutíu ára gamall karl

Blogga meira um ferdina naest.

kv Kiddi

Er ekki kominn tími á nýtt blog????

 Alveg hellingur búið að gerast frá því ég bloggaði síðast.

þmt er ég og Lindaskóli að fara til Barcelona í skólaheimsóknarferð ásamt því að fara á leik Barcelona og Espanol í spænsku meistaradeildinni og við verðum í silfur VIP stúku, á næst flottasta svæðinu. gaman gaman.

Skólaslit á þriðjudaginn.  ég að sækja um í Kennó, vona að ég komist inn.  Cross your heart.

svo þegar ég er kominn heim frá Barcelona verð ég farinn að vinna á smíðavöllunum hjá ÍTK til 20 júlí.

Við erum að fara til Danmerkur í ágúst, pabbi er að flytja til Odense og við ætlum með honum út í sumar og koma svo aftur, kannski maður fari bara fyrir fullt og allt eftir áramót. Hlakka til.

and that's about it

Kiddi kveður.

Olla!! Við þurfum virkilega að fara og detta í það aftur niðr'a Trönu.

Já, svei mér þá ef mars mánuður er ekki bara búinn.

Það var nóg sem gerðist hjá mér. Þ.á.m. 3 árshátíðir. Ein hjá starfsfólki Lindaskóla, ein hjá starfsfólki Kópavogsbæjar og ein árshátíð hjá Hólnum og Digró.   + Heimsins versta flensa sem ég fékk þarna á milli árshátíðar Lindaskóla og árshátíðar Kópavogsbæjar.

Maður er búinn að vera eins og drusla, orkan er ekki ennþá kominn sem ég hafði á undan flensunni. Hún sýgur alla orku úr sér. Ég átti að vinna á Samfés hátíðinni í byrjun mánaðarins og þurfti að sleppa föstudagskvöldinu en fór á laugardeginum og var þar frá 11 - 15. Leiðinlegustu tímarnir ever. Svo um kvöldið 3 mars þá var ég skemmtanastjóri á árshátíð Lindaskóla.   Meiriháttar frábært. Svo á sunnudeginum var ég kominn með þessa heiftarlegu helv...... flensu sem tók 2 vikur að hverfa. Ég lá bara og hélt á tímabili að ég væri kominn með lungnabólgu. en sem betur fer var það ekki.

Helgina þar á eftir fór ég á árshátíð Kópavogsbæjar sem haldin var í Fífunni og það var ein sú allra flottasta árshátíð sem ég hef farið á.  Maturinn, skemmtiatriðin og fólkið. Þetta var allt saman æðislegt.

Erum svo búin að vera að skipuleggja og skreyta fyrir árshátíð Hólsins og Digró sem haldin var í gær. Ég skal segja ykkur það að salurinn var glæsilegur og flott skemmtiatriði (meðal annars frá okkur sem vinna í Hólnum). Eftir það fórum við til Önnu Leu og ég fékk mér tvo bjóra og rauðvínsglas og ég fann strax á mér. Var kominn heim kl 4:30 og sofnaður um fimm og vaknaði svo í morgun um 8 leytið verulega þunnur en sem betur fer lagaðist það þegar ég komst undir bert loft.

 Skallarnir duttu út í úrslitakeppninni í körfu     það gengur bara betur næst

og ég er farinn í páskafrí til 11 apríl.   með smá vinnu í Hólnum á mánudag milli 3 og 6.

JIBBÍÍÍÍÍÍ

Feitilíus kveður í bili.

Halló halló.

Ég lýsi eftir bekkjarsystkinum mínum árg. 1980, B-bekknum, kallaður ólátabekkurinn mikli í Grunnskólanum í Borgarnesi. Þau eru flest komin á víð og dreif um landið,held ég, en ég lýsi mest eftir þeim sem búa í RVK. Hvernig væri að við myndum hittast öllsömun og fara út að borða og gera okkur gott kvöld úr því eða bara eitthvað. Allt opið

Ef þið sem lesið þetta bloggrugl mitt vitið eitthvað um einhverja þá sem voru í B-bekk endilega sendið mér póst á annaðhvort kristjanjp@lindaskoli.is  eða kiddijoi@itk.is

Kær kveðja Kiddi

Það er búið að vera andleysi í manni núna undanfarið, en ég var veikur alla síðustu viku með náttúrulega þessa fjandans flensu. Vonandi að hún sé búin og kemur ekki aftur fyrr en seint og um síðar meir.

Fór í nudd til Hafdísar P. í Nuddskóla Íslands, það var æðislegt.

 Svo er bara kominn föstudagur  jibbbbbííííííííííí´

 Njótið restarinnar af vikunni.

Ég er skráður félagi í stuðningsmannaliðinu Í blíðu og stríðu og ég styð Strákana okkar. Frábær leikur í gær. Strákarnir sýndu það og sönnuðu að það er sko langt í frá að verða búið spil. Að mínu mati var Birkir Ívar Guðmundsson markvörður, maður leiksins í gær. Hann lokaði markinu gersamlega. Þó svo að strákarnir hafi staðið sig frábærlega þurfa þeir að taka á honum stóra sínum og klára þetta og koma heim með Heimsmeistaratitilinn, eins og ég sagði við Óla Stefáns þegar hann kom í heimsókn í Lindaskóla.  Ekki koma með minna en titil.

En ég ætla að halda mig á jörðinni og segja Áfram Ísland, Áfram Strákar

Í Blíðu og Stríðu.                                                          

www.ibliduogstridu.is

Kiddi kveður í blíðu og stríðu

Helgin hjá mér var viðburðarrík. Fór á Þorrablót í Valfelli.... eee fyrirgefið.. fór á Hreppsmót Borghreppinga sem haldið var í Valfelli. Gísli Einarsson (ekki eini sanni heldur hinn eini sanni) bæjarstjóri á Akranesi var veislustjóri og tókst honum sko vel á hendur. Ég held að aldrei hafi verið hlegið eins mikið og þarna. Góður matur og góð skemmtiatriði og mikið talað saman og mikið dansað og drukkið svona eins og Hreppsmót eiga að vera. Laugardagurinn var ekki svo góður, dálítið eftir mig en allt batnaði þegar ég fór í nuddtíma hjá henni Hafdísi Lilju og það var eins og við manninn mælt. Allt varð betra.

Svo í gærkveldið var haldið á annað Þorrablót eða hálfgert ættarmót í Festi í Grindavík. Þar mættu um 200 manns og meir en helmingur þess býr í Grindavík. Þar á meðal Ágúst Bjarnason aðstoðarþjálfari Grindavíkur í körfubolta. Sigga Guðlaugs aðalstuðningskona Grindavíkurliðsins. Sigurður Ágústsson lögregluvarðstjóri og fleiri og fleiri. Þetta var rosalega gaman. Góður matur og skemmtileg stemning. Ég drakk bara vatn og appelsín og mikið af kaffi.

Það er leikur í kvöld. Skallagrímur - KR í Fjósinu í kvöld.

Áfram Skallagrímur

Njótið dagsins

Kiddi kveður

Ég fór á leik í gær í körfunni og sá þar landsins groddalegasta leik. Þar er ég að tala um leik Njarðvíkur og Skallagríms í Ljónagryfjunni. Strákarnir voru ágætir í fyrri hálfleik voru yfir í hálfleik 48-49. Svo voru þeir 10-13 stigum yfir í 3ja leikhluta og þegar 6 mínútur voru eftir af leiknum byrjaði Njarðvíkurvélin með Brenton og Ivey að fara í gang.  Það er eins og eitthvað fari að gerast sálfræðilega í seinni hálfleik því grey strákarnir fara á taugum og klúðra sóknum og sóknarfærum. Það voru fáar 3ja stiga körfur en þó komu þær. Við hefðum unnið þennan leik ef strákarnir hefðu verið fastir á tauginni og ef dómararnir hefðu hætt að hjálpa Njarðvíkingum. Þeir máttu nú fara og dæma á þá nokkrum sinnum.  Við verðum bara að fá sálfræðing til að hjálpa liðinu stundum því þeir klúðra seinni hálfleiknum bara útaf sálfræðinni.

En svona er lífið og ég skemmti mér konunglega við að öskra og fá útrás á leiknum

Faðmið daginn að ykkur og andið djúpt. Virðum hvort annað og njótum gæskunnar

Kiddi kveður..... í bili

Jæja, nú verður ekkert væl. Ég hef ákveðið að skrifa öll björtu bloggin hjá mér. Engin grámygla hversdagsins. Ég lét hana Lissý spá fyrir mér og kom margt skemmtilegt í ljós sem ekki verður upptalið heldur mun ég halda því bara fyrir mig. En náttúrulega kemur fyrir smá leiði en það á ekki að hafa áhrif á daginn hjá mér, heldur á ég að vinna úr því og breyta leiðindunum í skemmtilegheit.

Takið deginum fagnandi því hann endar á miðnætti.

Kiddi Jói kveður  bjartur og brosandi

Njótið rest af degi.

Jæja, ég sit hérna í kaffitímanum mínum fyrir framan tölvuna og horfi dáleiddur á skjáinn. Var að klára Bubbles ( já ég er bubbles fíkill) get eytt heilu klukkustundunum við það að reyna að klára þennan fjandans leik. Fékk skemmtilegt símtal frá henni Hafdísi P. Ég á pantaðan nuddtíma hjá henni á laugardaginn. hlakka geðveikt til. búinn að vera að drepast í öxlunum og bakinu.

2 þorrablót um næstu helgi. Eitt er þetta vanalega í Valfelli, Borghreppingamót svokallaða. Hitt verður haldið í Félagsheimilinu Festi í Grindavík á vegum Móaættarinnar.  Það verður sko gaman.

jæja nenni ekki að blogga meira í bili

Njótið dagsins

Feitilíus kveður í bili

"Torfi bróðir" eins og hann var kallaður verður jarðsunginn í dag 8/1. Þó ég hafi ekki þekkt neitt mikið kannaðist ég við hann í gegnum körfuboltann þar sem hann var ötull stuðningsmaður Snæfells og hjálpaði okkur stuðningsmönnum Skallagríms við að hvetja þá gegn Keflavík og Njarðvík í úrslitunum. Einnig kannaðist ég við hann í gegnum hana Hafdísi Lilju Pétursdóttur eða Hafdísi P. sem var yfirkona í Holti þegar ég byrjaði þar. Ég sendi henni og fjölskyldu Torfa mínar dýpstu samúðarkveðjur.

Ég skil við ykkur í dag með einn fallegasta texta sem ég hef heyrt.

Hann undirstrikar það það sem á undan hefur gengið.

Betra en nokkuð annað

Sérðu fyrir þér dalinn sem ég sé?

Hann er falinn bakvið fjöllin      í móðu

Þú segir ekki neinum frá

Ég á hann alein

Já alein fyrir mig.

Já alein fyrir mig.

Segðu mér…   Sérðu veginn sem liggur alla leið

Það er leiðin sem ég ætla að fara.

Þegar allt er orðið tómt

Tómt eins og auðnin

Já dauðinn fyllir mig

Það er sárt að gefast upp

Svo sárt

Finnst þér verða að hverfa héðan burt?

Hvar er leiðin inn í dalinn

Gegnum móðuna í annan heim

Og svo ljúft

Finna vindinn strjúka vota kinn

Finnast allt verða betra

Láta berast á vængjunum tveim

Láta vindinn feykja sér

Ætla að fara alla leið

Ætla að fara alla leið

Yfir ókunn fjöll

Yfir endamörkin í dalinn minn

Ó ég kem

Hún er góð þessi tilfinning

Betra en nokkuð annað

Óó  ég flýg í burtu nú

Þú segir engum frá

Þú veist hvert ég fór

Veist hvert ég fór

í dalinn

Óó ég flýg í burtu nú

Þú skilar kveðju heim

Ég kem aldrei meir

Kem aldrei meir

Er farin

Ég kem.

Höf. Þorvaldur Bjarni Þorvaldsson Texti Andrea Gylfadóttir

Fljúgðu inn í dalinn þinn Torfi

Njótið hvers annars

Feitilíus kveður í bili